Gilas umangat sa No. 34 sa FIBA

MANILA, Philippines — Patuloy ang pagtaas ng Gilas Pilipinas sa world rankings ng International Bas­ketball Federation (FIBA).

Umakyat ng apat na pu­westo ang mga Pinoy cagers na kasalukuyan nang nasa ika-34 mula sa dati nitong posisyon sa 38th spot.

Malaking tulong sa pagsulong ng Gilas Pilipi­nas ang magandang inila­ro nito sa FIBA Olympic Qualifying Tournament na ginanap sa Riga, Latvia.

Matatandaang ginulantang ng Gilas Pilipinas sa group stage ang host Latvia na nasa No. 5 sa world rankings noon.

Ang panalo ang na­ging daan upang makapa­sok ang Gilas Pilipinas sa semifinals ng Olympic qualifying tournament.

Subalit yumuko ang Gi­las Pilipinas sa Brazil sa semis.

Nahulog naman ang Latvia sa No. 9 spot sa world rankings.

Nananatili namang na­­sa unang puwesto ang Uni­ted States na sariwa pa sa matamis na kampeo­nato sa Paris.