MANILA, Philippines — Makikipagtuos ang top three teams ng Pool B sa bottom three ng Pool A sa paghataw ng crossover preliminary round ng 2024 Premier Volleyball League (PVL) Reinforced Conference sa Philsports Arena sa Pasig City.
Lalabanan ng Akari ang Galeries Tower ngayong ala-1 ng hapon kasunod ang banatan ng Cignal HD at Farm Fresh sa alas-3 ng hapon at ang upakan ng Capital1 at Nxled sa alas-5 ng hapon.
Nanguna ang Chargers (5-0), HD Spikers (4-1) at Solar Spikers (3-2) sa Pool B sa first round, habang kulelat sa Pool A ang Hightowers (0-5), Foxies (2-3) at Chameleons (1-4).
Sila ang bumubuo sa Pool D.
Nasa Pool C ang top teams ng Pool A na Chery Tiggo (4-1), Creamline (4-1) at PLDT (4-1) na sasagupa sa bottom squads ng Pool B na Choco Mucho (1-4), Petro Gazz (2-3) at ZUS Coffee (0-5).
Sa Martes magsisimula ang kanilang sariling crossover second round.
Hangad ng Cignal na makabangon mula sa kabiguan sa Akari sa pagharap sa Farm Fresh na nanggaling rin sa pagkatalo.
Muling aasa ang HD Spikers kina Venezuelan import MJ Perez, Ces Molina, Roselyn Doria, Chin Basas, Jacqueline Acuna, Riri Meneses at playmaker Gel Cayuna.