MANILA, Philippines — Kabuuang 70 aspirante ang sasalang sa Season 49 PBA Rookie Draft na nakatakda sa Hulyo 14 sa Glorietta.
Bumabandera sa listahan sina Justine Baltazar, Sedrick Barefield at mga dating Gilas Pilipinas players na sina RJ Abarrientos, Dave Ildefonso, Jerom Lastimosa at Ben Phillips.
Ang lahat ng mga aplikante ay kailangang lumahok sa Draft Combine sa Hulyo 10 at 11 sa Ynares Sports Arena sa Pasig City at panonoorin ng mga coaches ng 12 PBA teams.
Ang Converge ang hihirang sa No. 1 overall pick kasunod ang Blackwater (No. 2), Terrafirma (No. 3), Phoenix (No. 4), NorthPort (No. 5), NLEX (No. 6), Rain or Shine (No. 7 at 8)), Magnolia (No. 9), Ginebra (No. 10), Meralco (No. 11) at San Miguel (No. 12).