MANILA, Philippines — Hinugot ng Akari si American Oluoma Okaro para sa kanilang import sa darating na 2024 PVL 2024 Reinforced Conference.
Naglaro ang 28-anyos na si Okaro sa ASP Thetis Voulas sa A1 Ethniki Women’s Volleyball Championship sa Greece sa nakaraang season.
Sumalang din ang opposite spiker para sa Hämeenlinna Volleyball Club sa Finland matapos ang kanyang collegiate career.
Makakasama ni Okaro sa Chargers sina Ivy Lacsina, Kamille Cal, Camille Victoria at Dani Ravena.
Kumpiyansa si Akari Japanese coach Taka Minowa na matutulungan sila ng 6-foot-1 import matapos ang seventh place finish sa nakaraang All-Filipino Conference.
Nakatakdang magbukas ang torneo sa Hulyo 16.
Kasama ng Chargers sa Pool B ang Choco Mucho Flying Titans, Petro Gazz Angels, Cignal HD Spikers, Capital1Solar Spikers at ZUS Coffee Thunderbelles.
Nasa Pool A naman ang All-Filipino Conference champions Creamline Cool Smashers, PLDT High Speed Hitters, Chery Tiggo Crossovers, Farm Fresh Foxies, Galeries Tower Highrisers at Nxled Chameleons.