Murray ibinigay ng Hawks sa Pelicans
ATLANTA — Ibinigay ng Hawks si star guard Dejounte Murray sa New Orleans Pelicans kapalit nina Larry Nance Jr. at Dyson Daniels at dalawang future first-round picks.
Makakasama ni Murray sa Pelicans sina superstar Zion Williamson, Brandon Ingram at CJ McCollum para sa kanilang kampanya sa Western Conference.
Nagtala ang 27-anyos na playmaker ng mga averages na career-best 22.5 points, 5.3 rebounds at 6.4 assists katuwang si Trae Young para sa Hawks sa nakaraang season.
Kumonekta rin siya ng career-best 201 three-pointers sa 2023-24 season.
Nakapasok ang New Orleans sa playoffs, ngunit winalis ng top seed Oklahoma City Thunder sa first round.
Ipaparada naman ng Atlanta sa darating na season si French teenager Zaccharie Risacher na kanilang kinuha bilang No.1 overall pick sa 2024 NBA Draft.
- Latest
