MANILA, Philippines — Asahan ang mabagsik at palabang Gilas Pilipinas sa oras na sumalang ito sa sa FIBA Olympic Qualifying Tournament sa Riga, Latvia sa Hulyo.
Aminado si Gilas Pilipinas head coach Tim Cone na matinding laban ang haharapin ng kanyang mga bataan.
Kasama ng Gilas Pilipinas sa group stage ang mga world-class teams na mas mataas ang rankings sa FIBA — ang Latvia at Georgia.
Ngunit siniguro ni Cone na hindi aatras sa laban ang kaniyang tropa.
“Anything is possible,” ani Cone.
Kaya naman desidido itong pukpukin sa ensayo ang national team sa oras na magsimula ang training camp sa Hunyo sa Inspire Sports Academy sa Calamba, Laguna.
“We look at all the teams. They’re big, they are athletic, but they’re not impossible in our mind. I’m really excited, and the players are super excited about it,” ani Cone.
Excited na ang mga players ng Gilas Pilipinas na makipagsabayan sa mga bigating European teams sa FIBA OQT.