Napansin ko, walang kaagaw na major sport event ang NBA playoffs ngayon dito sa US.
Ibig kong sabihin, kuha nila ang atensiyon ng mga sporting fans.
Major sport dito sa US ang (American) football, next ang baseball, pero parehong off-season ang National Football League (NFL) at Major League Baseball (MLB) ngayon kaya nakatutok lahat sa NBA.
May panahon na magkakasabay ng games ang mga ligang ito pero mas pinapanood talaga ang football, next ang baseball at No. 3 lang ang basketball. Pero panatiko rin lahat sa mga collegiate leagues.
Parang nagbibigayan lahat ng sport dito sa Tate. Pero ‘di ako sure pero ‘yun ang naobserbahan ko.
Tulad nu’ng NFL Super Bowl (ang pinaka-finals ng football) walang kaagaw sa eksena, binibigyang-daan talaga…. or hindi na sinasabayan dahil ito ang tututukan ng lahat, wala nang iba.
Tapos sumunod nito ay ang championship naman ng baseball. Tapos bumaling na ang atensiyon sa NBA…..
Naisip ko lang, kung ganito rin kaya sa atin diyan sa Pinas, nagbibigayan para walang sapawan.
Mabibigyan lahat ng exposure at ‘di magkakaagawan ng audience/venue/players.
Puwede kaya ‘yun? Hindi ko sure kung feasible. Pero ideally maganda sana ‘yun ‘di ba?