Letran itutuloy ang ratsada sa apat

MANILA, Philippines —  Tutusukin ng nagde­depensang Letran ang ikaapat na sunod na panalo habang ang pananatili sa liderato ang hangad ng University of Perpetual Help sa NCAA Season 99 junior basketball tournament.

Sasagupain ng Squires ang Emilio Aguinaldo College Brigadiers ngayong alas-8 ng umaga kasunod ang pakikipagkita ng Junior Altas sa Mapua Red Robins sa alas-10 ng umaga sa Filoil EcoOil Arena sa San Juan City.

Sa alas-12 ng tanghali magtutuos ang San Sebastian Staglets at Arellano Braves habang haharapin ng San Beda Red Cubs ang Lyceum Junior Pirates sa alas-2:30 ng hapon at maglalaban ang St. Benil­de Junior Blazers at Jose Rizal Light Bombers sa alas-4:30 ng hapon.

May 5-0 record ang Perpetual kasunod ang Letran (4-1), Mapua (4-1), San Beda (3-2), San Sebastian (3-2), Jose Rizal (2-3), EAC (2-3), St. Benilde (1-4), Arellano (1-4) at Lyceum (0-5).