Tama si Julius Erving, nasaan ang mga malalaking pangalan? Bakit wala sila sa NBA All-Star Dunk Contest?
Sa PBA, ito rin ang kadalasang kaso sa kanilang sariling All-Star Slam Dunk Competition.
Sa nakalipas na dunk contest sa NBA, nanatiling sultan of slams si Mac McClung, mainstay sa Osceola Magic sa NBA G League.
Sa palagay ni Erving, mas malayong nanaisin ng mga fans na makita sa kompetisyon ang mga big-name players gaya noong inaugural dunk contest na nakita sa 1976 ABA All Stars.
Kabakbakan noon ni Erving ang mga kapwa stars na sina Artis Gilmore, George Gervin, Larry Kenon at David Thompson.
Siyempre, nakita rin ang iconic duel nina Michael Jordan at Dominique Wilkins. Ganoon din ang paglipad sa ere ni Vince Carter.
“With all due respect to the guys who are in the dunk contest, the big names are in the 3-point shootout. The big names are in the skills competition,” ani Erving.
Kaso nga, iwas na sa labanan ang mga stars. At walang dudang isang dahilan ang pagkatakot na matalo.
Mukhang pareho ang kaso sa matagal na panahon sa PBA All-Star Weekend.