MANILA, Philippines — Kinumpirma ni Kai Sotto na nakabalik na ito sa porma matapos ang tinamong back injury noong nakaraang taon.
Unti-unti nang natatagpuan ni Sotto ang dating tikas nito kaya naman asahan na mas magiging agresibo ito sa kanyang paglalaro para sa Yokohama sa Japan B.League.
May tatlong buwan din na nagpahinga ang 7-foot-3 Pinoy cager para tuluyang gumaling ang back injury nito.
“My back is okay now. I went to rehab for two and a half to three months, strengthening it. Now, I’m confident with my body’s condition,” ani Sotto.
Maingat pa ang coaches ni Sotto sa Yokohama.
Ilang minuto muna ang ibinibigay nitong playing time kay Sotto upang hindi ito mabigla sa kanyang pagbabalik.
“My coach in Yokohama, he’s sort of restricting my minutes because he’s being cautious with my condition but I always tell him that I’m okay now,” dagdag ni Sotto.
Bago ang team ni Sotto na dating miyembro ng Hiroshima bago inilipat sa Yokohama.
Malaking adjustments ito para kay Sotto subalit handa itong gawin ang lahat upang tulungan ang kanyang bagong team na makapasok sa playoffs.
“I just moved to a new team so it’s a new adjustment so I think my goal is to help my team win more games, they made the playoffs last year. I hope I can help them make it back to the playoffs again this year,” ani Sotto.
Maingat din si Sotto sa kanyang paglalaro.
Nais nitong mapanatiling maganda ang kanyang kundisyon upang makaiwas sa anumang injury.