MANILA, Philippines — Pumirma na ng tatlong taong kontrata si ace guard Robert Bolick sa NLEX isang linggo matapos makuha sa isang three-team trade kasama ang NorthPort at San Miguel.
“We are thrilled to welcome Robert Bolick to the NLEX Road Warriors family. His skill, dedication, and winning mentality make him an invaluable addition to our roster. We believe in his ability to lead our team to success,” wika ni NLEX team governor Ronald Dulatre.
Limang taon naglaro si Bolick sa Batang Pier buhat nang pumasok sa PBA bilang 3rd overall pick noong 2018 PBA Rookie Draft.
“To my new team, my new family, NLEX Road Warriors, thank you very much for the opportunity and for welcoming me here in my new home. I am so excited to start this new chapter of my career,” wika ng 28-anyos na guwardiya.
Nakuha ng NLEX si Bolick kasama si Kent Salado mula sa NorthPort noong nakaraang linggo kapalit nina Don Trollano, Kris Rosales, Ben Adamos at isang second round pick.
Kaagad namang dinala ng NorthPort si Trollano sa San Miguel kapalit nina Allyn Bulanadi, Jeepy Faundo at isang second round pick upang makumpleto ang three-team trade.