Scottie magpapahinga ng 2-3 weeks
MANILA, Philippines — Hindi muna masisilayan sa aksyon si Barangay Ginebra guard Scottie Thompson.
Magpapahinga muna ng dalawa hanggang tatlong linggo ang Gilas Pilipinas standout matapos magtamo ng injury sa laban ng Gin Kings at Blackwater sa PBA Commissioner’s Cup.
Ito ang kinumpirma ni Gin Kings head coach Tim Cone kung saan mangangailangan si Thompson ng pahinga para mabilis na gumaling ang kanyang injury.
“Scottie’s left leg I think got injured. He got rolled into. It’s always dangerous when guys dive on somebody’s leg. But you can’t fault the effort. You got to understand how dangerous it is for players to be hit on the side of the knees,” ani Cone.
Ngunit walang dapat ipangamba.
Sinabi ni Cone na kilala si Thompson na mabilis makarekober sa tuwing nagtatamo ito ng injury.
“His diagnosis is, he’ll be out 2 or 3 weeks. But you know Scottie, Scottie is a quick healer. I won’t be surprised if he plays the next game,” ani Cone.
Kaya naman posibleng makapaglaro na agad ito sa susunod na laro ng Gin Kings.
- Latest
