Ateneo, Adamson bawal kumurap
Patayan sa huling semis slot
MANILA, Philippines — Bawal ng kumurap ang Ateneo Blue Eagles at Adamson University Soaring Falcons dahil wala ng bukas pagkatapos ng laban nila ngayong araw sa UAAP Season 86 men’s basketball tournament na lalaruin sa MOA Arena.
Parehong may 7-7 karta ang Blue Eagles at Falcons kaya naman playoff sila sa No. 4 spot para makumpleto ang Final Four.
Swak na sa semifinals ang University of the Philippines (12-2), La Salle (11-3) at National University (10-4).
Ang mananalo sa pagitan ng Ateneo at Adamson ang makakalaban sa semis ng UP na may tangan na twice-to-beat advantage.
Habang ang No. 2 na Green Archers na may bonus din ay makakasagupa naman ang Bulldogs sa isang semis match.
Inaasahang ibabangga ng Blue Eagles sina Joseph Obasa na nagtala ng career-high 21 points sa nakaraang laban nila at Kai Ballungay.
Sina Mathew Montebon at Cedrick Manzano naman ang magiging pakpak ng Falcons sa opensa sa pagharap nila sa Blue Eagles.
- Latest
