Adamson dinungisan ng FEU

MANILA, Philippines — Nasawata ng Far Eas­tern University ang A­damson University, 25-20, 25-22, 25-20, para manati­ling imakulada ang baraha nito sa Shakey’s Super League (SSL) Collegiate Pre-Season Cham­pionship playoffs kahapon sa Rizal Memorial Coliseum sa Manila.

Sumandal ang Lady Tamaraws sa matikas na laro nina Faida Bakanke at Gerzel Petallo na rumatsada sa huling bahagi ng laro para pamunuan ang kanilang tropa na makuha ang panalo.

Sumulong ang Lady Tamaraws sa 1-0 rekord sa Pool F.

Nagrehistro si Bakanke ng 11puntos mula sa siyam na attacks, isang block at isang ace habang nagtala naman si Petallo ng 10 puntos — lahat galing sa attacks.

Ito ang ikaapat na sunod na panalo ng Lady Tamaraws sapul ng first round ng eliminasyon ng SSL Season 2 na suportado ng Mikasa, Eurotel, Victory Liner, Summit Bottle Water, Peri-Peri Charcoal Chicken, R and B Milk Tea, Potato Corner, Rebel Sports, Converge ICT Solutions, Genius Sports at United Auctioneers, Inc.

Walong players pa ang sumampa sa score board kabilang na si Mitzi Pana­ngin tagan ang walong puntos.

Nauna nang winalis ng Lady Tamaraws ang lahat ng tatlong laro nito sa Pool D laban sa A­teneo de Manila University, Emilio Aguinaldo College at Mapua University.