CSB diniskaril ang JRU
MANILA, Philippines — Tinakasan ng College of St. Benilde ang Jose Rizal University sa overtime, 93-85, para sa kanilang unang panalo sa NCAA Season 99 men’s basketball tournament kahapon sa FilOil Centre sa San Juan City.
Parehong may 1-1 record ang dalawang koponan kung saan nakabangon ang Blazers mula sa naunang kabiguan.
Humataw si Miggy Corteza ng 21 points para sa St. Benilde habang humakot si big man Will Gozum ng double-double na 18 points at 11 rebounds.
Pinamunuan ni Agem Miranda ang Jose Rizal sa kanyang game-high 31 points.
Ang jumper ni Miranda ang nagtabla sa Heavy Bombers sa 75-75 sa huling 1:23 minuto ng fourth quarter para itulak ang Blazers sa extra period.
Kaagad humataw si Gozum ng apat na sunod na puntos para sa St. Benilde habang ang three-point shot ni Corteza ang nagbaon sa Jose Rizal sa 89-81 sa natitirang 33.4 segundo ng laro.
- Latest
