PLDT laglag sa Chery Tiggo
MANILA, Philippines — Nakabangon agad ang Chery Tiggo upang malusutan ang PLDT Home Fibr sa bisa ng 25-20, 18-25, 22-25, 25-16, 18-16 panalo kahapon sa Premier Volleyball League (PVL) Reinforced Conference sa Mall of Asia Arena sa Pasay City.
Muling umariba si team captain Mylene Paat matapos magrehistro ng 23 puntos at 11 digs para banderahan ang Crossovers sa panalo.
Naglista naman si import Jelena Cvijovic ng 17 attacks, dalawang blocks at isang ace kasama ang 21 receptions.
Kumana naman si middle blocker Czarina Carandang ng 10 hits habang may walong puntos na nagawa si outside hitter EJ Laure.
Sumulong ang Crossovers sa ikaanim na panalo para tapusin ang eliminasyon tangan ang 6-2 marka.
Nanguna para sa High Speed Hitters si import Elena Samoilenko na bumanat ng 26 puntos samantalang naglista naman si middle blocker Mika Reyes ng 19 puntos.
Nagposte naman si Jovielyn Pearo ng triple double na 10 points, 17 receptions at 16 digs subalit nasayang lang ito.
Tuluyan nang nasibak ang PLDT Home Fibr na lumasap ng ikalimang talo para sa 3-5 marka.
- Latest
