MANILA, Philippines — Nagtapos lamang sa fourth place ang Creamline Cool Smashers sa 2022 Asean Grand Prix mula sa 24-26, 22-25, 23-25 kabiguan sa Indonesia kahapon sa Korat Chatchai Hall sa Nakhon Ratchasima, Thailand.
Walang naipanalo ang Pinay squad sa kanilang tatlong pagsalang kung saan una na silang yumuko sa Thailand at SEA Games silver medalist na Vietnam.
Natiyak ng Indonesia ang tansong medalya, habang muling nagreyna ang Thailand kasunod ang Vietnam.
Nakapagtala ng ilang krusyal na puntos sina two-time PVL MVP Tots Carlos, Jema Galanza, Michele Gumabao at Jeanette Panaga.
Ngunit hindi sapat ang inilatag na puwersa ng Cool Smashers.