Alcantara field
“If you build it, they will come.”
Sumikat ang linyang ito mula sa 1989 sports fantasy movie na “Field of Dreams” na pinagbidahan ni Kevin Costner. Nakarinig siya ng tinig na naghihikayat na magtayo siya ng baseball diamond sa kanyang cornfield, at dito uminog ang story ng Academy Awards-nominated film na ito.
Pumapasok sa isip ko ang movie tuwing mag-a-announce si Valenzuela District II Congressman Eric Martinez nang inauguration ng kanyang mga dekalidad na sports facilities sa kung saan-saang barangay na kanyang nasasakupan.
Latest ang mini-football field sa loob ng Marulas Central School na kanyang pinangalanang Alcantara Football Field – pagpupugay sa pangalan at karangalan ni Filipino football legend Paulino Alcantara.
Pangalawa itong football field na kasama na ngayon sa mga wooden basketball courts na kanyang prinoyekto sa hangaring dalhin ang Valenzuela youth sa sports at healthy, active lifestyle, sa halip na pumasok sa kalokohan.
Usually, makakakita ka lamang ng football field sa mga mayayamang private schools, gaya ng Ateneo, La Salle, Brent, UST, Don Bosco at iba pa.
Hooray, sa Valenzuela, makakalaro ang mga pangkaraniwang kabataan ng football sa loob ng public school.
Hindi ako magtataka dadating ang panahon, may mga kabataang Valenzuelanon makakalaro ng football sa UAAP, NCAA o Palarong Pambansa.
O Valenzuelanon na susunod sa yapak ni Paulino Alcantara, Filipino na naging star striker ng FC Barcelona.
- Latest
