Coach ng Lakers, Kings sinibak
MANILA, Philippines — Sinibak ng Los Angeles Lakers at Sacramento Kings ang kanilang mga head coach matapos mabigong makapasok sa NBA playoffs ngayong season.
Sa Los Angeles, pinatalsik ng Lakers si coach Frank Vogel na tinulungan silang angkinin ang ika-17 championship noong 2020 season sa Florida bubble.
“That’s not to say anything against the incredible accomplishments that Frank Vogel has had. He was a great coach here, and he’s going to go on to be a great coach somewhere else,” ani Lakers’ general manager Rob Pelinka.
Tinapos ng Lakers ang season bitbit ang 33-49 record bagama’t nagsama-sama sina superstars LeBron James, Anthony Davis, Russell Westbrook at Carmelo Anthony.
Sa Sacramento, sinibak ng Kings si mentor Alvin Gentry matapos mabigong makaabante ang tropa sa playoffs para sa NBA-record na ika-16 sunod na season.
Nagtapos ang kampanya ng Kings sa 30-52 record.
- Latest
