Gervacio sa Creamline beach volleyball team
MANILA, Philippines — Sumali sa rigodon si Dzi Gervacio na tuluyan nang nilisan ang kampo ng Perlas Spikers upang sumama sa Creamline beach volleyball team.
Pormal nang inihayag ng pamunuan ng Creamline ang pagpasok ni Gervacio na beterano na sa beach volleyball competitions.
“We are so excited about having you on our team. With your experience, you will be a great addition to Creamline beach volleyball,” ayon sa post ng Cool Smashers sa kanilang social media accounts.
Makakasama ni Gervacio sa Creamline beach volleyball team sina Sisi Rondina, Bernadeth Pons at Dij Rodriguez.
Pare-parehong nakasungkit ng tansong medalya ang tambalan nina Rondina at Pons, at nina Rodriguez at Gervacio noong 2019 Southeast Asian Games beach volleyball competition na ginanap sa Subic.
Paghahandaan ng apat na beach volleybelles ang pagsabak sa 2021 SEA Games na idaraos sa Hanoi, Vietnam sa huling bahagi ng taon.
Target ng tropa na malampasan ang bronze-medal finish nito noong 2019 edisyon.
- Latest
