Jrue Holiday sa Bucks na

MANILA, Philippines — Isang malaking trade ang na-push ng New Orleans matapos makuha si Jrue Holiday, isa sa underrated NBA player ngunit malaki ang nagagawa sa team.

Nakipagkasundo ang New Orleans nitong Lunes ng gabi para ibigay si Holiday sa Milwaukee Bucks kapalit nina Eric Bledsoe, George Hill, tatlong future first-round picks at pick swaps, ayon sa ulat ng ESPN.

Iniulat din ng ESPN na nakuha ng Bucks si restricted free agent Bogdon Bogdanovic mula sa Sacramento Kings.

Ang pagpasok ni Holiday at Bogdanovic ay inaasahang magkukumbinsi sa star plyer na si Giannis Antetokounmpo na pumirma ng contract extension.

*Covington nakuha ng Portland-- Nakipag-trade ang Houston Rockets sa Portland para ibigay si Robert Covington kapalit ni Trevor Ariza kasama ang No. 16-overall pick sa NBA Draft nitong Miyerkules at isang protected future first-round pick, ayon sa ESPN.

*DRUMMOND MANANATILI SA CLEVELAND-- Nagsabi na si Center Andre Drummond sa Cavaliers na gagamitin niya ang kanyang $28.7 million contract option para manatili sa team sa parating na season.

*WASHINGTON, NEW YORK INTERESADO KAY WESTBROOK

Iniulat ng The Athletic na nag-uusap na ang Roc-kets at Wizards para sa Russell Westbrook-John Wall trade ngunit hindi pa magkasundo dahil nagpapadagdag pa ang Houston.

Isa rin ang New York sa matunog na team na susunod na destinasyon ni Westbrook.