Nick Nurse napiling NBA Coach of the Year
LAKE BUENA VISTA, Florida — Sa kanyang mahusay na paggiya sa nagdedepensang Toronto Raptors ay hinirang si Nick Nurse bilang NBA Coach of the Year.
Nakakuha si Nurse ng 90 first-place votes mula sa panel ng 100 sportswriters at broadcasters para kumolekta ng kabuuang 470 points.
Tinalo ni Nurse para sa nasabing karangalan sina Mike Budenholzer ng Milwaukee Bucks (147 points) at Billy Donovan (134) ng Oklahoma City Thunder. “Just love being around a team and trying to get guys to dream about success and help lead them there,” ani Nurse.
Naihatid ni Nurse ang Raptors sa semifinal round ng NBA restart season kahit wala si Kawhi Leonard, lumipat sa Los Angeles Clippers matapos tulungan ang Toronto na makopo ang NBA crown noong nakaraang season.
Si Nurse ang tanging coach na nagawang magwagi ng NBA championship at G League crown.
- Latest
