Leo Awards at pagbubukas ng PBA Philippine Cup ngayon

MANILA, Philippines — Hindi lamang ang pag­­bubukas ng 45th PBA Season ang matutungha­yan ng mga fans dahil ma­kikilala na rin ang mga pinakamagagaling na manlalaro sa nagda­ang 44th Season sa 2-in-1 event ngayon sa Smart Araneta Co­liseum.

Ito na ang ikalawang pagkakataon na sabay na idaraos ng pinakama­tandang pro league sa As­ya ang opener at Leo Awards matapos sa Phi­lippine Arena sa Bocaue, Bulacan.

Nakatakda ang Leo Awards sa alas-4:30 ng ha­pon bago ang parada ng mga koponan at ope­ning match sa pagitan ng five-time champions na San Miguel at Magnolia sa alas-7:30 ng gabi.

Hindi makakalaro si five-time MVP June Mar Fajardo para sa Beermen, ngunit inaasahang tatanggapin niya ang makasaysayang ikaanim na Season MVP award upang pa­ngunahan ang mga Leo awardees.

Nagwagi ng Best Pla­yer of the Conference ng Philippine Cup ang 6-foot-10 na si Fajardo no­ong nakaraang season at nadala sa dalawang kam­peonato ang San Mi­guel.

Sigurado na rin sa PBA Rookie of the Year tro­phy si CJ Pe­rez ng Columbian bukod pa sa pagiging sco­ring champion at Mythical Five candidate.

Maliban sa MVP at ROY ay igagawad din ng PBA ang Most Improved Player, Samboy Lim Sports­manship award, My­thical First at Second Team gayundin ang All-De­fensive Team.

Ayon sa PBA, posib­leng maging tra­disyon na ang sabay na opening at ang Leo Awards sa mis­yong ma­pagkasya ng liga ang year-long calendar nito alin­sunod sa interna­tio­nal tournaments.