Harden umabot na sa 20,000-points

HOUSTON — Napabilang si James Harden sa 20,000-point-elite group matapos kumamada ng 32 points sa 139-109 pagpapatumba ng Rockets sa Minnesota Timberwolves.

Si Harden, humakot din ng 12 rebounds at 8 assists, ang naging pang-45 player sa NBA history na umiskor ng 20,000 points at pang-pitong pinakabata.

“It’s a great accomplishment obviously,” ani Harden. “I have a bigger picture and bigger goals but it’s pretty cool.”

Ang kanyang step-back 3-pointer sa gitna ng second quarter ang nagpasaok kay Harden sa nasabing grupo.

Simpleng inihayag ng public address announcer ang pag-iskor ni Harden sa kanyang pang-20,000 points matapos pumasok ang kanyang tres.