Rondina pinabulaanan ang paglipat sa Foton

MANILA, Philippines — Itinanggi ni Sisi Rondina ang mga umuugong na balita patungkol aniya sa kanyang paglipat ng club team mula Petron Blaze Spikers  patungo sa Foton Tornadoes para sa da­­rating na 2020 season ng Philippine Superliga.

Unang pumutok ang balita sa hindi pagtalon ni Rondina sa Foton nang ilan sa mga manlalaro ng multi-titled team na Petron ang nag-alisan sa pangunguna ng batikang setter na si Rhea Dimaculangan kasama sina  Car­me­la Tunay, Chloe Cortez at Denden Lazaro.

Maglalaro si Dima­cu­langan, ang 2018 All-Filipino Conference MVP  pa­ra sa Generika-Ayala Life­­savers, habang mag-oober da bakod naman sa Premier Volleyball League (PVL) sina Tunay at Cortez sa ilalim ng Motolite at si Lazaro sa Choco Mucho.

Tinuldukan na ni Rondinaa ang UAAP Sea­son 81 MVP at 30th Southeast Asian Games bronze medalist ang is­yung ito nang diretsa­han niyang sinagot sa Twitter ang ta­nong ng isang netizen patungkol dito.

Isang matipid na ‘Nope’ ang ibinigay ni Ron­dina sa tanong ng isang Twitter page na #La­banPilipinas (@ustvolleyball) na: “Legit bang lilipit si @Rondina011 sa Foton?”

Matatandaan na no­ong 2016 ay naglaro na rin sa ilalim ng Foton Tor­nadoes si Rondina nang nagsisimula pa lang ang karera niya sa semi-pro league kasama sina Di­ma­culangan, Jaja Santiago, Angeli Araneta at Patty Orendain.

Kasabay ng pagka­wala ng ilang manlala­ro ay sinibak rin ng Blaze Spikers si Shaq delos Santos bilang head coach kapalit ang vete­ran mentor na si Emil Lontoc bilang bahagi ng ka­nilang revamping para sa nanalapit na pagdedepensa sa Grand Prix crown sa Pebrero.

Ang 70-anyos na si Lontoc ang isa sa mga as­sistant coach ng Phi­lip­pine women’s natio­nal volleyball team na na­ka­pagbulsa ng gintong me­dalya noong 1993 Singapore SEA Games at 33 taong hinawakan ang UST Tigers sa UAAP.