MANILA, Philippines — Hindi makakalaro si Carl Bryan Cruz para sa Blackwater sa unang bahagi ng 2020 PBA Season upang pagalingin ang kanyang injury mula sa knee surgery.
Sumailalim sa surgery ang Elite forward sa off-season matapos silang matanggal sa 2019 PBA Governors’ Cup.
Kasalukuyan siyang nagpapagaling sa Metafactor Wellness matapos ang Platelet-rich plasma (PRP) procedure.
Sasailalim ulit siya sa isa pang PRP procedure sa Enero.
Sa Marso 3 pa magbubukas ang 45th Season ng PBA kaya’t magkakaroon ng apat na buwang pahinga ang dating FEU Tamaraws standout.
Ayon sa dating Gilas Pilipinas player, makakaliban siya sa unang bahagi ng 2020 Philippine Cup at sa Abril makakabalik.
Nalipat si Cruz sa Blackwater bago ang 2019 PBA Governors’ Cup.