Matira matibay
Meralco o TNT Katropa?
MANILA, Philippines —Inangkin ng TNT Ka-tropa ang Games One at Three habang napasakamay naman ng Meralco ang Games Two at Four para itabla sa 2-2 ang kanilang best-of-five semifinals series.
Kung susundan ang direksyon ng serye ay ina-asahang mananalo ang mga Tropang Texters sa pang-limang laro laban sa Bolts.
Kaya naman gagawa ng adjustment ang Meralco sa kanilang ‘do-or-die’ Game Five ng TNT Katropa ngayong alas-7 ng gabi sa 2019 PBA Governor’s Cup sa Ynares Center sa Antipolo City.
“So far this series has been a game of adjustments, and obviously TNT won the first game so they’ve been a little bit ahead as far as that concerned,” wika ni one-time PBA Grand Slam champion champion coach Norman Black matapos ang 95-83 panalo ng Bolts kontra sa Tropang Texters sa Game Four noong Sabado.
“Now we just have to figure out what to do in Game 5 and how we can adjust to make sure we can get a victory,” dagdag pa nito. Ang mananalo ang sasagupa sa Barangay Ginebra sa best-of-seven championship series na sisimulan sa Enero 8 ng susunod na taon.
Dinispatsa ng Gin Kings ang NorthPort Batang Pier, 3-1, sa sari-li nilang semifinals duel papasok sa pang-26 PBA Finals appearance target ang ika-12 korona.
Inamin ni Black na kinabahan ang kanyang mga bata nang harapin ang tropa ni mentor Bong Ravena.
“But I told the players before the game that no matter what happens we just need to stay together because the game might go down to a last-second shot and you always want to keep your composure, even when you’re down,” sabi ng 62-anyos na 11-time champion coach.
Muling sasandigan ng Meralco sina two-time PBA Best Import Allen Durham, Chris Newsome, Amer Ba-ser, Cliff Hodge, Allein Maliksi at Raymond Almazan katapat sina reinforcement KJ McDaniels, Jayson Castro, Troy Rosario, RR Pogoy at Bobby Ray Parks, Jr.
“Lahat nailabas na ‘yung cards, so siguro kung sino na lang talaga ‘yung gustong manalo,” wika ni Castro.
- Latest
