MANILA, Philippines — Target ng baguhang Department of Environment and Natural Resources (DENR) ang outright semis berth sa tangkang ikapitong sunod na panalo laban sa Philippine International Tra-ding Corporation (PITC) sa 8th UNTV Cup bukas sa San Juan City gym.
Alas-5 ng gabi ang laban kung saan asam ng DENR Warriors na mapanatiling malinis ang kartada sa annual tournament na ito para sa mga public servants kung saan ang napiling charity ng champion team ay magkakaroon ng P4 milyon.
Sa isa pang laro sa alas-3:30 ng hapon, magsasagupa ang Judiciary at dumadausdos na Department of Agriculture pagkatapos ng sagupaan ng Builders at PhilHealth Plus sa alas-2.