Pinay spikers bigo sa Nittai

MANILA, Philippines — Tinapos na ng Philip­pine women’s volleyball team ang kanilang 12-day training camp sa Tok­yo, Japan para sa ka­nilang pag­hahanda sa darating na 30th Southeast Asian Games.

Sa huling araw ng pam­­bansang koponan sa Japan ay muli silang naka­tikim ng kabiguan sa kamay ng Nittai University, 20-25, 25-23, 20-25, 14-25, sa tune-up game.

Bagama’t walang na­ipanalo sa apat na tune-up games ay positibo pa rin si national team head coach Shaq delos Santos na babaunin nila ang kanilang eksperyensa sa 2019 SEA Games.

“Definitely, marami ka­ming natutunan sa mga tune-up games,” sa­bi ni Delos Santos. “Hopefully, ma-absorb pa namin siya ng mabuti. Itutuloy namin ito pagdating sa Pilipinas.”

Bukod sa Nittai University, nakabangga ng Nationals sa kanilang tune-up games ang Gunma Bank Green Wings at Yamanashi Chuo Bank and Yama­nada at Hi­tachi Rivale.

“Nagkaroon ng improvement but it doesn’t mean na OK na. Kaila­ngan pang ituloy hanggang sa duma­ting ang SEA Games,” wika ni Delos Santos.