Cool Smashers winalis ang first round

MANILA, Philippines — Winalis ng Creamline Cool Sma­shers ang first round ng eliminations nang lunurin ang Ba­­liPure Water Defen­ders, 25-8, 25-19, 25-14, sa Premier Volleyball League (PVL) Season 3 Open Confe­rence kaha­pon sa The Are­na sa San Juan City.

Nanguna para sa tropa si Alyssa Valdez na pu­ma­­lo 18 points mula sa 14 attacks at 4 aces ka­tu­wang si Jema Galanza na may 8 markers.

Tinuldukan naman ng Pa­ci­ficTown-Army ang ka­­nilang three-game lo­sing skid matapos gibain ang Chef’s Classics, 25-18, 25-18, 25-13.

Bumirada para sa La­dy Troopers si Honey Royse Tubino nang tuma­pos na may 12 points, mu­­la sa 11 attacks at si Jovelyn Gonzaga na may 10 markers.

Naramdaman din ang dalawang veteran middle blockers ng Lady Troo­pers na sina Ging Balse-Pabayo at Lut Malaluan na nagrehistro ng 9 at 8 points, ayon sa pagkaka­su­­nod.

“Medyo na-relief ng konti kasi ‘yung three-game losing skid namin very uncharacteristic nga. Right after nga noong biyahe namin ng malayo, ta­lagang naramdaman ng players namin ‘yung fatigue,” ani coach Kungfu Reyes.

Pumunta sa Cagayan de Oro City ang PacificTown-Army pa­ra sa exhibition game kasama ang Air Force at Navy.

Patuloy naman ang pag­­sadsad ng Lady Red Spi­kers at nalasap ang ika­­anim na sunod na ka­ma­­lasan.

Samantala, wala man si head coach Roger Go­rayeb ay natuldukan na ng San Sebastian Lady Stags ang three-game lo­sing slump sa Collegiate Conference matapos pa­­da­pain ang Letran La­dy Knights, 20-25, 25-22, 27-25, 26-24.

Buhay pa rin ang se­mis bid ng San Beda La­dy Red Spikers matapos walisin ang University of Perpetual Help Lady Altas, 25-22, 25-18, 25-17, at ginulat naman ng College of Saint Benilde Lady Blazers ang Arella­no La­dy Chiefs, 25-19, 25-15, 25-19.