Carmelo inisnab ng Team USA

LAS VEGAS, Neva­da -- Gusto ni veteran Carmelo An­tho­ny na mag­laro sa Team USA para sa da­ra­­ting na 2019 FIBA World Cup.

Ngunit hindi siya pi­nagbigyan.

Sinabi ni Jerry Co­lan­gelo, ang managing di­rector ng USA Basketball, na ipinaalam nila sa kampo ni Anthony na wala na silang puwesto para sa All-Star forward sa kabila ng bilang ng mga  NBA players na tu­mangging maglaro.

Naglaro ang 35-an­yos na si Anthony sa re­cord na apat na U.S. Olympic teams na ti­nam­pukan ng tatlong gin­tong medalya (2008, 2012 at 2016) at isang tanso (2004).

Siya ang all-time lea­ding scorer sa U.S. men’s Olympic history.

Nakita si Anthony sa 10 laro ng Houston Rockets sa nakaraang season bago bi­nitawan noong Pebrero 1.

“I love Carmelo,” wi­ka ni Colangelo. “He made a great contribu­tion. He was a very good international pla­yer. But for where we are and what we’re doing, that conceivably could have been a distrac­tion. I understand why the request was made. He’s trying to reestablish himself. I think that has to be done in the (NBA).”

Isang 10-time All-Star, si Anthony ay may mga averages na 24.0 points, 6.5 rebounds at 3.0 assists sa 16 seasons.