MANILA, Philippines — Nagbigay-pugay sina imports Justin Brownlee at Renaldo Balkman sa agent nilang si Sheryl Reyes na pumanaw kamakalawa.
Sa edad na 39-anyos ay sumakabilang-buhay si Reyes dahil sa cervical cancer.
Noon ay hindi pa kilalang import ay halos walang kumuha kay Brownlee bago sumugal si head coach Tim Cone at ang Barangay Ginebra.
Nagbunga iyon dahil naigiya ni Brownlee ang Gin Kings sa tatlong PBA championships sahog pa ang kanyang Best Import award.
“This is hard to take in. I can’t believe this. You changed my life so much,” wika ni Brownlee na malapit na rin maging Pilipino matapos magsumite ng naturalization process.
“You were my agent but it felt like you were my big sister, motivating me everyday and making sure I’m always on top of my game on and off the court. Rest in peace, ate,” dagdag pa nito.
Para kay Balkman, isa si Reyes sa nakipaglaban para sa kanyang ikalawang pagkakataong makapaglaro sa San Miguel noong nakaraang taon.
“I had the privelege of having one of the best fighters to represent me as an agent,” ani Balkman.