De Luna, Biado asam ang quarterfinals
MANILA, Philippines — Puntirya nina Carlo Biado at Jeffrey De Luna na makahirit ng puwesto sa quarterfinals sa pagpapatuloy ng prestihiyosong 2018 World Cup of Pool nga-yong hapon sa Luwan Arena sa Shanghai, China.
Makakasagupa ng fourth-seeded Pinoy tandem sina Imran Majid at Mark Gray ng England sa alas-2:30 ng hapon matapos ang duwelo nina Ralf Souquet at Joshua Filler ng Germany at Dejing Kong at Ming Wang ng China-B sa alas-1:30.
Nakatakda rin ang bakbakan nina Chang Jung-Lin at Cheng Yu-Hsuan ng Chinese-Taipei at Alexander Kazakis at Nick Malaj ng Greece sa alas-3:30 sa torneong may basbas ng World Pool-Billiard Association at naglaan ng $250,000 kabuuang papremyo kabilang ang $60,000 para sa kampeon at $30,000 naman sa runner-up.
Pumasok sa second round sina Biado at De Luna matapos igupo sina Matt Edwards at Marco Teutscher ng New Zealand, 7-3 sa opening round noong Miyerkules habang namayani naman sina Majid at Gray kina Ryu Seung Woo at Jeong Young-Hwa ng South Korea, 7-2 sa hiwalay na first-round game.
Kabado sina Majid at Gray dahil alam ng da-lawa ang kalidad ng laro ng dalawang matikas na Pinoy cue masters.
“They are one of the biggest nations in pool so we know we are in for a tough time and we will be underdogs but I like being the underdog,” pahayag ni Gray.
Sasargo rin ang banggaan nina defending champions Mario He at Albin Ouschan ng Austria at nina Mateusz Sniegocki at Wiktor Zielinski ng Poland gayundin ang duwelo nina Niels Feijen at Marc Bijsterbosch ng Netherlands at nina Jayson Shaw at Scott Gillespie ng Scotland.
- Latest
