Donaire sasabak kay Frampton

MANILA, Philippines – Sa featherweight division nakikita ni Nonito ‘The Filipino Flash’ Donaire, Jr. na muli siyang magkakampeon.

“In previous fights I was walking around the weight I was weighing in. I took the time to really put on the weight and I feel very confident and very comfortable actually,” ani Donaire. “This time I’m feeling a full grown featherweight and sparring with bigger guys.”

Nasukatan si Donaire (38-4-0, 24 KOs) ng bigat na 125.5 pounds kumpara sa 125.25 pounds ni Carl Frampton (24-1-0, 14 KOs) sa kanilang weigh-in kahapon para sa paghaharap nila ngayon (Manila time) sa SSE Arena sa Belfast, Ireland.

Nakataya sa upakan nina Donaire at Frampton ang WBO interim featherweight title kung saan ang mananalo ang maghahamon kay WBO king Oscar Valdez (24-0-0, 19 KOs).

Aminado ang dating world four-division champion na ang panalo kay Frampton ang bubuhay sa kanyang boxing career.

“It’s definitely a big fight with Carl Frampton as the opponent. In terms of our legacy, in terms of being an elite fighter, this is definitely a make or break fight for both of us,”sabi ni Donaire. “When you’re fighting Frampton you have to be at your best.”

Nabitawan ni Donaire ang dating suot na WBO super bantamweight crowd kay Mexican Jessie Magdaleno noong Nobyembre ng 2016 sa undercard ng Manny Pacquiao-Jessie Vargas fight sa Las Vegas.

Noong Setyembre ng 2017 ay umiskor si Donaire ng isang unanimous decision victory laban kay Ruben Garcia Hernandez para sa WBC silver featherweight title.

Isang mabigat na kalaban ang 31-anyos na si Frampton na dating naghari sa featherweight division ng IBF at WBA.