MANILA, Philippines – Gagawin lahat ni Lucas Matthysse para maidepensa ang kanyang World Boxing Association welterweight title laban kay Manny Pacquiao sa kanilang nakatakdang laban sa July 15 sa Malaysia.
At sinabi ni Matthysse na handa siyang mamatay para maipagtanggol ang kanyang titulo.
“Manny has won so many titles. I only have one. I’m not going to give it up. I will die if I have to,” sabi ng 35-gulang na Argentinian na si Matthysse na may hawak na 39-wins, 36 nito ay via knockouts kontra sa 59-wins (38 knockouts) 7 loss at 2-draw ni Pacquiao.
“This is my time,” sabi pa ng puro tattoo na si Matthysse na dumating sa presscon na nakasuot ng barong at pareho sila ng sinabi ng kanyang ma-nager na si Mario Arano.
“This is Matthysse’s time. Pacquiao’s time is over,” ani Arano.
Ngunit kinontra ito ni Pacquiao. “My time’s not over yet,” aniya. “I want to prove that Manny Pacquiao is not done with boxing yet. I will not predict the (outcome of the) fight but I will do my best.”
Naniniwala si Pacquiao na may natitira pa siyang lakas para manalo. “I’m not done yet. But whatever happens, I will accept it. I think we will win in Kuala Lumpur,” aniya.
Sa katunayan ay tinitingnan pa ni
Pacquiao ang isang knockout na matagal na niyang hindi nagagawa.
“If I have the chance to finish it right away I will finish it,” sabi pa ni Pacquiao. (CBV)
Related video: