Don Albertini nagbida

MANILA, Philippines – Nagpasikat ang apprentice rider na si Ramon D. Raquel Jr., sakay ang Don Albertini naipanalo niya ng hugando kontra sa kapwa dekalidad na runners.

Walang inaksayang pagkakataon si Raquel Jr., nang sa pagbukas pa lamang ng aparato ay naiuna niya ang kabayong ito ni Atty. Narciso Morales at kinukondisyon naman ni Kenneth B. Abobo.

Pansamantalang nakasunod ang Penrith na ginaba-yan ni Mark M. Gonzales pero agaran rin siyang naunahan ng napupuntong Breaking Bad na sinakyan ni Rodeo G. Fernandez at Love To Death na pinatungan ng isa pang apprentice jockey na si R.M. Garcia.

Walang nabago sa posisyon ng apat na mula sa unang kurbada hanggang sa makatawid ng finish line ay ganoon rin ang posisyon. Kaya nagwagi si Don Albertini ng hugando.

Pumangalawa sa kanya ang nadehado pang Breaking Bad at tersero naman ang third pick na Love To Death at pang-apat lang si Penrith.

Kung natuwa ang mga backers ng Don Albertini ay siya namang pagkayamot at pagkadismaya ng mga backers ng Total Defiance na pinatok pa mandin ng mga clockers at tipsters nitong Martes.

Sa isang grupo ng mga tatlong taong gulang na kabayo ay nagkaka-isang napisil ng mga racing experts na pupuntos ang  Total Defiance na mula sa kuwadra ni Benhur C. Abalos at kinundisyon ni trainer Ruben Tupas.

Ang tanging pakunsuwelong nagawa ng Total Defiance ay nang pansamantala nitong pinangunahan ang grupo hanggang sa huling likuan. Sa parteng ito, parang naupos na kandila ang primero liyamadong si Total Defiance na panglima lang na dumating sa meta.

Nagwagi rito ang Hookbung Dagat na ginabayan ni Fernando M. Raquel Jr. na sinundan ni Jacobo’s Magic at sinakyan ni Esmael P. Nahilat pagkatapos matersero ang Winter Fields na pinatungan ni Jeffrey T. Zarate at Razzle Dazzle ni E.G. Reyes Jr. JM