Laro Ngayon
(Filoil Flying V Arena)
9 a.m. – UE vs UST
11 a.m. – Ateneo vs NU
1 p.m. – AdU vs UE
3 p.m. – FEU vs DLSZ
MANILA, Philippines – Tatargetin ng nangu-ngunang National University ang kanilang pang-walong sunod na panalo sa pagharap sa defending champion Ateneo nga-yong alas-11 ng umaga sa UAAP Season 78 juniors’ basketball tournament sa Filoil Flying V Arena.
Nakumpleto ng Bullpups ang pagwalis sa first round nang ilista ang 73-60 panalo laban sa Blue Eaglets noong Dec. 12 at hangad ng Sampaloc-based cagers na muling talunin ang huli sa kanilang rematch.
Samantala, sasagupain ng De La Salle-Zobel ang Far Eastern University-Diliman sa alas-3 ng hapon matapos ang bakbakan ng Adamson University at UP Integrated School sa ala-1 ng hapon, habang makakatapat ng University of Santo Tomas ang University of the East sa alas-9 ng umaga.
Sa kanilang panalo sa Ateneo ay humakot si 6-foot-4 stalwart Justine Baltazar ng 18 points, 16 rebounds at 5 blocks para sa NU, habang nagdagdag si John Lloyd Cle-mente ng 18 markers.
Katabla ng Blue Eaglets ang Junior Archers sa second spot sa magkatulad nilang 5-2 baraha sa itaas ng Baby Tamaraws (4-3) at Baby Falcons (4-3).
Bitbit naman ng Tiger Cubs ang 2-5 slate kasunod ang Junior Maroons (1-6) at Junior Warriors (0-7).
Samantala, hahataw naman ang juniors’ baseball sa Rizal Memorial Baseball Stadium tampok ang labanan ng De La Salle-Zobel at UST sa alas-9 ng umaga.