PSL may plano na para sa 2016

MANILA, Philippines – Hindi pa man natatapos ang 2015 season ay nag­paplano na ang Philippine SuperLiga ng prog­rama para sa ikaapat na taon ng liga.

Bukod sa pinaigting na local tournaments, may dalawang international events din ang nakapasok sa susunod na taon sa hangaring ipagpatuloy ang pag-akyat ng women’s volleyball sa bansa.

“Due to our tremendous success this year, we have decided to treat fans to a year-round of intense volleyball action,” wika ni PSL president Ra­mon “Tats” Suzara.

Magsisimula ang aksyon sa Pebrero ng 2016 sa isang In­vitational Cup bago sundan ng isang beach volleyball tournament sa Mayo.

Ang All-Filipino Conference ay gagawin sa Hun­yo at ipaparada rito ang mga baguhan mula sa mga collegiate leagues UAAP at NCAA.

Sa Oktubre lalarga ang Grand Prix na katatampukang muli ng mga mahuhusay na imports, habang sa Disyembre ay may gagawin ding beach volleyball event.

Magiging abala rin ang PSL sa gaganaping AVC Asian Women’s Club Championship at kung ma­tutuloy ay ang FIVB World Women’s Club Cham­pionship. Ang mga petsa nito ay aalamin pa.

Dahil puno ang kalendaryo ng PSL sa 2016 ka­ya’t pinag-iisipan ng mga mother teams ang big­yan na ng taunang kontrata ang kanilang mga manlalaro sa halip na per-conference contract.

Ang sistema ay magreresulta rin para hindi na ma­kakapaglaro ang mga players sa ibang liga na hin­di sakop ng PSL.