LOS ANGELES -- Siya ang nagsanay kay Fil-American guard Jordan Clarkson at gusto ng Lakers na ipagpatuloy ni Steve Nash ang kanyang pagtuturo sa kanilang backcourt.
Ngunit tinanggap na ng two-time NBA Most Valuable Player ang alok ng Golden State Warriors.
Ang 41-anyos na si Nash, naglaro para sa Phoenix Suns, Dallas Mavericks at LA Lakers, ang magiging part-time player development consultant at occasional tutor sa mga Golden State guards.
Sinabi ng Lakers na ito rin ang una nilang inialok kay Nash bago siya lapitan ng Warriors.
Ngunit sinabi ni Nash na nauna ang Warriors na hilingin ang kanyang serbisyo.
Napaulat na sinamahan ni Nash si Clarkson sa training at inaasahan ding susunod si No. 2 pick D’Angelo Russell.
Nakatrabaho na nina Warriors head coach Steve Kerr at Warriors player development coach Bruce Fraser si Nash.
Sa New York, plano naman ni Phil Jackson na samahan nang matagal ang Knicks coaching staff ngayong season mula na rin sa kahilingan ni coach Derek Fisher.
Sinabi ni Jackson na minarapat niyang bigyan ng panahon si Fisher sa kanyang trabaho noong nakaraang season.
“I thought maybe I stepped back too far last year,’’ sabi ni Jackson kay Fisher.