Humina na si Floyd -- Roach
MANILA, Philippines - Halos limang taon ang nasayang na panahon para sa kanilang mega showdown.
Noong Disyembre 17 ay ipinagdiwang ni Manny Pacquiao ang kanyang pang-36 kaarawan, samantalang nagselebra naman si Floyd Maywea-ther, Jr. ng kanyang ika-38 taon noong Pebrero 24.
Kung si Hall of Fame trainer Freddie Roach ang tatanungin, hindi na kasing tikas si Mayweather kagaya ng mga nakaraang taon.
At ito ang papabor kay Pacquiao sa kanilang laban sa Mayo 2 sa MGM Grand sa Las Vegas, Nevada.
“I don’t think he’s (Mayweather) passed it at all. I think his legs are a little shot, a little worn, and I think Pacquiao has better legs at this moment at this time,” sabi ni Roach. “I think maybe Pacquiao is a little faster and hits a little bit harder. Mayweather has a little fragile hands and is not the biggest puncher in the world. But I think we have more assets to win the fight I feel.”
Nakatakdang umuwi si Roach sa Los Angeles, California para simulan ang kanilang training camp ni Pacquiao sa kanyang Wild Card Boxing Club.
Napanood ni Roach ang pagkatalo ng kanyang alagang si two-time Olympic gold medalist Zou Shiming kay world super flyweight champion Amnat Ruenroeng ng Thailand sa Macau, China noong Sabado ng gabi.
Sina assistant trainer Buboy Fernandez at strength and conditioning coach Justin Fortune ang kasama ni Pacquiao sa Wild Card.
- Latest
