Nietes, San Mig Mixers pararangalan sa PSA awards

MANILA, Philippines - Pararangalan ang pi­nakamatagal na world Filipino boxing champion at ang unang Grand Slam team sa Phi­­lippine Basketball Asso­ciation sa nakaraang 18 taon sa Philippine Sportswriters Associa­tion (PSA) Annual Awards Night na ini­­hahan­dog ng Milo at San Miguel Corporation.

Si World Bo­xing Or­­ganization light fly­weight champion Donnie ‘Ahas’ Nietes at ang San Mig Coffee team na kumumpleto sa three-conference sweep sa na­karaang season ng PBA ay bibigyan ng re­­kognisyon ng pinaka­ma­tandang media organization sa Pebrero 16 sa 1Esplanade Mall ng Asia Complex.

Nalampasan ni Nie­tes ang seven-year reign ni Gab­riel ‘Flash’ Elorde bilang pinakama­tagal na Filipino world cham­pion matapos talu­nin si Car­los Velarde no­ong Nob­yembre.

Iginiya ni head coach Tim Cone, hinirang naman ang Mixers bilang unang PBA team na ku­muha ng Grand Slam no­ong nakaraang season matapos ang Alaska no­ong 1996.

Ang iba pang bibigyan ng major award sa gala night kung saan tumatayo ang MVP Sports Foundation, Meralco at Smart bilang mga prin­cipal sponsors at ang Philippine Sports Com­mission (PSC) bilang major sponsor ay sina Youth Olympic Games gold medalist Gab­riel Luis Moreno, Olympic figure skater Mi­chael Christian Martinez, ang five-time NCAA men’s champion na San Be­da Red Lions at sina PBA Most Valuable Player June Mar Fajardo at UAAP superstar Kiefer Ra­vena.

Ang kukumpleto sa ho­nor roll list para sa ma­­jor awards sa taunang event na suporta­do rin ng PBA, ICTSI, PCSO, PAGCOR, Rain or Shine, Globalport, Air21, Maynilad, Accel at ng National University ay sina rider Mark Galedo, golfer Daniella Uy, chess player Mikee Charlene Suede, wushu bets Jessie Aligaga at Jean Claude Saclag, ang Phi­lippine dragon boat team (dragon boat), ang Philippine poomsae team- (male under 30), Philippine poomsae team (freestyle), ang champion horse na Kid Mo­lave at si jockey Jo­na­than Hernandez.

Si BMX racer Da­niel Caluag ang 2014 PSA Athlete of the Year awar­dee.

Ang iba pang awar­dees ay si Cone (Excel­lence in Basketball), ang Mitsubishi (Hall of Fame), sina  Princess Su­peral at Tony Las­cu­na (Golfers of the Year), Jean Pierre Sabi­do (Mr. Taekwondo) at ang 1973 Philippine men’s basketball team (Lifetime Achievement Award).

Ibibigay din sa PSA Awards ang Pre­sident’s Award, Executive of the Year, Sports Patron of the Year at ang Tony Sid­dayao Awards.