Preparasyon sa SEAG‘di apektado ng PSC policy

MANILA, Philippines - Hindi maaapektuhan ng pag­hahanda ng Pilipinas para sa 2015 Southeast Asian Games sa Singa­pore  para sa ga­ga­wing pagpigil sa tu­long pi­nan­syal sa mga NSAs na hindi makaka­sumite ng mga doku­men­to sa Commission on Audit (COA).

Ito ang tiniyak ni Philippine Sports Com­mis­sion chairman Ricardo Garcia na minamada­li rin ang mga NSAs na sundin ang mga reg­lamento ng COA pa­ra maaksyunan ang ka­nilang mga request sa board meeting na gagawin sa Martes.

“Ang lahat ng hindi makaka-comply, pasen­sya muna. Ang allo­wance ng mga atleta ay tuloy, pero ang travel, exposure at equipment, ay wala muna,” wika ni Gar­cia

Kasama sa mga do­ku­mentong dapat isu­mi­­te ng mga NSA ay ang kanilang SEC re­­gis­tration bukod sa re­­­kognisyon mula sa Phi­­­lippine Olympic Com­­­mittee (POC) at ng ka­­­ni­lang international fe­de­ra­tion.

Aminado naman si POC treasurer at Chief of Mission ng SEAG Julian Camacho na hindi sila makakagalaw sa ba­gay na ito dahil reglamento ito ng pamahala­an.

“Wala tayo magagawa. They (NSAs) have to follow patakaran ng PSC. If now, wala sila bud­get pang-training,” wi­ka ni Camacho.

Mahalaga sa mga national athletes ang mag­ka­roon ng magandang kam­pan­ya sa darating na SEAG sa Singapore sa Hunyo da­hil nais ng bansa na makaahon mu­la sa pinakamasamang pag­tatapos sa kasaysa­yan  ng paglahok sa bien­nial games.

Nagtapos sa pang-pitong puwesto ang bansa sa SEAG noong 2013 sa Myanmar. (ATan)