Sa 2014 Antibes International Basketball Tournament: Gilas Pilipinas pinakaba ang France

MANILA, Philippines - Nagsalpak ang Gilas Pi­lipinas ng 12 three-point shots.

Ngunit iniligtas ni NBA player Nicola Batum ang France mula sa kan­yang hinugot na 14 points sa second half para sa kanilang 75-68 panalo sa pagsisimula ng 2014 An­tibes International Basketball Tournament. 

Tumapos si Batum na may 16 points para sa France na hindi nakuha ang serbisyo ni San Anto­nio Spurs’ point guard To­ny Parker dahil sa injury.

Sinamantala ng France ang pag-upo ni 6-foot-11 naturalized center Andray Blatche sa halos kabuuan ng fourth quarter.

Nagkaroon si Blatche, nagtala ng 12 points, ng sprained right ankle sa dulo ng third period, ngu­nit tatlong minutong naka­paglaro sa pagsisimula ng final canto.

“Nice effort vs France to­night,” sabi ni Gilas Pili­pinas’ coach Chot Reyes sa kanyang Twitter account na @coachot. “We need to keep improving and play better against Aus­tralia tomorrow.”

Ang France ay No. 8 sa buong mundo at may anim na NBA players sa ka­nilang koponan.

Samantala, umiskor na­man ang Australia ng 75-65 panalo laban sa Uk­raine sa nasabing four-nation pocket tournament na preparasyon para sa FIBA World Cup sa Spain.

Nakatakdang labanan ng Nationals ang mga Aus­sies.