Nagpakitang-gilas ang El Mundo

MANILA, Philippines - Naipakita ng kabayong El Mundo ang taglay na husay nang dominahin ang 2-Year Old Maiden race noong Sabado sa Santa Ana Park sa Naic, Cavite.

Si Fernando Raquel Jr. ang siyang sumakay sa pagkakataong ito at pinahanga nito ang bayang karerista matapos ang banderang tapos na panalo sa 1,000-metrong karera.

Naorasan ang nagwaging kabayo na pag-aari ni Hermie Esguerra ng 1:04 sa kuwartos na 13, 22’ at 25 para maibulsa rin ang P10,000.00 gantimpala na handog ng Philippine Racing Commission (Philracom).

May ipinamahagi na P13.00 ang win habang P32.00 ang ipinasok sa 3-4 forecast.

Mga two-year old horses ang pinagtutuunan nga-yon ng pansin dahil malapit nang lumarga ang Philracom Juvenile Fillies at Colts series.

Nagpasiklab din ang Dome Of Peace sa pagkamada ni Bryan Leiroy Yamzon sa class division 1 race na inilagay sa 1,200-metro karera.

Huling nagwagi ang kabayong may lahing Domesday at World At War noon pang Hunyo  27 sa isang special race at ang ‘di inaasahang panalo ay naghatid ng P52.00 habang ang 8-1 forecast ay mayroong P862.00 dibidendo.