MANILA, Philippines - Naghatid ng suwerte ang kabayong Swerte Lang nang manalo sa nilahukang karera sa Metro Turf Club noong Biyernes sa Malvar, Batangas.
Si jockey JF Paroginog ang hinete ng nasabing kabayo na piÂnalad din na nasa balya sa rekta at nakaÂtulong ito paÂra maisantabi ang malakas na pagdating ng mga nakaÂribal na Faithfully at Diana Beatrice.
Isang Special Handicap Race sa distansyang 1,400-metro ang nabanggit na karera at may 10 kaÂbaÂyo ang nagsukatan.
Unang lumayo ang Grand Mighty sa pagdiskarte ni EL Blancaflor pero sa far turn ay nilamon ito ng tatÂlong naghahabol na kabayo.
Halos magkakasabay ang tulin ng Swerte Lang, Faithfully at Diana Beatrice dahil ginamitan na ng laÂtigo ang mga ito pero maganda ang puwesto ng Swerte Lang para makuha ang panalo.
Halos kalahating dipa lamang na kinapos ang FaithÂfully na sinakyan ni JA Guce at binigyan ng top weight na 58 kilos habang ang Diana Beatrice na saÂkay si KB Abobo, ang pumangatlo sa datingan.
Ikalawang takbo ito ng nanalong kabayo sa buwang ito at nakabawi ang tambalan mula sa pangalawang puwestong pagtatapos noong Hunyo 7 sa nasabing karera.
Nadehado ang SwerÂte Lang sa bentahan paÂra maÂkapaghatid ng P79.50 sa win, habang ang 3-6 forecast ay mayroong P633.50 dibidendo.
Sa nasabing karera piÂnaglabanan din ang carÂry-over na P75,787.49 sa Super Six dahilan paÂÂra magkaroon pa ng P26,479.80 ang kumbiÂnasÂyong 3-6-9-7-5-10.
Magtatapos ang pista ngaÂyon sa San Lazaro Leisure Park sa Carmona, Cavite at may 12 karera ang pagÂlalabanan sa haÂpong ito.