Provodnikov nakatutok kay Algier bago isipin ang tsansang makalaban si Pacquiao sa Nobyembre

NEW YORK -- Alam ni Ruslan Provodnikov na posible niyang makatapat si Manny Pacquiao sakaling manalo sa kanyang unang title defense.

Ngunit hindi niya bi­nabalewala ang challen­ger na si Chris Algi­eri.

“I hope he takes this fight as seriously as I took my chances in boxing. If not, he will have slim chan­ces to win,” ani Provodnikov kay Algieri.

Nakatakdang itaya ni Pro­vodnikov (23-2-0, 16 knockouts) ang kanyang suot na World Boxing Organization (WBO) light welterweight crown laban kay  Algieri (19-0-0, 8 KOs) ngayon sa Barclays Center, Brooklyn.

Kung mananalo kay Al­gieri ay maaaring lu­ma­kas ang tsansang ma­pi­li siya ni Bob Arum ng Top Rank Promotions bilang kalaban ni Pacquiao sa Nobyembre 22 sa Macau, China.

“I’m ready to fight any­body,” wika ni Pro­vod­nikov sa pamama­gi­tan ng kanyang manager/interpreter na si Vadim Kor­nilov. “(Juan Manuel) Marquez didn’t want to fight me, (Manny) Pacquiao was very close to being made but at the last moment, they chose (Tim) Bradley.”

Hanggang ngayon ay wala pang pahayag si Arum kung sino ang su­sunod na lalabanan ni ‘Pac­man’ matapos talunin si Bradley sa kanilang rematch at bawiin ang kanyang WBO welterweight crown noong Abril.

Nakamit ni Provodni­kov, muling igigiya ni chief trainer Freddie Roach, ang WBO light wel­terweight belt maka­raang pasukuin si Mike Al­varado noong Oktubre.