MANILA, Philippines - Bago ang kanyang panalo kay WBA featherweight champion Chris John noong nakaraang taon na nagpasikat sa kanya, walang masyadong nakaka-kilala kay Simpiwe Vetyeka.
Nangako si Vetyeka na ipagpapatuloy niya ang kanyang pag-akyat sa rurok ng tagumpay sa pamamagitan ng panalo kay Nonito Donaire.
Sa ulat ng South African news website na BDlive.co.za, sinabi ni Vetyeka (may 26-2 win-draw record kabilang ang 16 knockouts) na nasa kondisyon na siya, dalawang linggo bago ang kanyang laban kontra kay Donaire sa May 31 sa Macau.
Nangako ang South African na hindi niya sasa-yangin ang pagkakataon para pabagsakin si Donaire.
“My victory against John opened doors for me. Now I must just stamp my authority,†ani Vetyeka.
Tangka naman ni Donaire ang ikalimang world title matapos maghari sa flyweight, super flyweight, bantamweight at super bantamweight.
Asam niyang agawin ang WBA featherweight belt ni Vetyeka.
“Look, I have been hard in the gym with [strength trainer] Mike for six weeks now [McLoughlin]. His training is very tough. I have no choice but to push myself because I know what it does to an athlete,†paliwanag ni Vetyeka.
“We train hard every morning for 90 minutes. Already I feel on top of my game,†dagdag ng reigning champion, na iniulat na dumaan sa 200 rounds ng sparring sa anim na linggo training camp.
Maghaharap sina Donaire at Vetyeka sa Cotai Arena ng Venetian Resort sa Macau.