MANILA, Philippines - Ang Mexican challenger para sa World Boxing Organization (WBO) light-flyweight title ni reigning champion Donnie Nietes ang special guest ngayon sa session ng Philippine Sportswriters Association (PSA) Forum sa Shakey’s Malate.
Tatalakayin ni Moises Fuentes ang tungkol sa rematch sa Filipino title holder sa public sports program na maririnig ng live sa DZSR Sports Radio 918 na hatid ng Accel, Shakey’s at Philippine Amusement and Gaming Corporation (PAGCOR).
Eksaktong isang taon na ngayon nang maglaban ang dalawa at natapos sa majority decision sa Waterfront Hotel and Casino sa Cebu para mapanatili ni Nietes ang kanyang 112-lbs. crown.
Kasama ni Fuentes sa session sina Martin Tecuapetla at Sergio Villanueva.
Haharapin ni Tecuapetla si Milan Melindo habang lalabanan ni Villanueva ang nagbabalik na si Ray ‘Boom Boom’ Bautista na parehong bahagi ng Nietes-Fuentes undercard.
Maaaring makipag-ugnayan sa PSA sa www.psamedia.ph