MANILA, Philippines - Magtutuos ang nasa itaas ng team standings na NLEX Road Warriors at ang nangungulelat na DeÂrulo Accelero Oilers sa pagbabalik ng PBA D-League Foundation Cup ngayon sa JCSGO Gym sa Cubao, Quezon City.
May limang sunod na panalo ang Road Warriors at masasabing wala pang naÂkakatapat ang multi-titled team dahil ang kaÂnilang winning margin ay nasa 18 puntos kada laro.
Inaasahang wala ring magiging problema ang NLEX sa paglista sa ikaanim na sunod na paÂnaÂlo kontra sa Derulo sa alas-2 ng hapong taÂgisan dahil hindi pa nananalo ang katunggali matapos ang limang laro.
Bago ito ay mag-uÂuÂnahan ang Big Chill Superchargers at ang BoÂracay Rum Waves sa pagÂtudla ng ikatlong panaÂlo matapos ang limang laro sa tapatan sa alas-12 ng tanghali, habang pagsisikapan ng Cebuana Lhuillier Gems ang masolong muli ang ikalawang puwesto sa pagbangga sa Café France sa alas-4 ng hapon.
Matapos manalo sa unang dalawang laro ay dumapa ang SupercharÂgers sa kamay ng Blackwater Elite Sports at Gems para bumaba mula sa itaas tungo sa pakikisalo sa ikaapat hanggang ikapitong puwesto.
Ang isang linggong paÂhinga ay inaasahang maÂkakatulong para buÂmalik ang sigla ng kopoÂnan dahil magtatangka ang Waves na bumalikwas agad matapos dumapa sa Hog’s Breath Café Razorbacks.