Manila bay seasports festival Army, Coast Guard, Air Force umarangkada
MANILA, Philippines - Itinanghal na three-time winner sa dragon boat race ng Manila Bay Seasports Festival ang Philippine Army nang kanilang talunin ang Philippine Air Force sa 300-meter men’s open.
Bumawi ang Air Force nang kanilang makopo ang titulo sa Mixed Open at nagtagumpay naman ang Philippine Coast Guard sa women’s small boat division.
Nakamit naman ng mga batikang bangkero mula sa Boracay at Pangasinan ang pangunahing puwesto sa bancathon.
Humarurot ng husto si Ryan Isiderio lulan ang ‘Matador’ upang mapanalunan uli ang Formula Race, samantalang buong husay ang arangkada ni Alwin Estacio bilang pilot ng ‘Patricia’ upang magwagi sa Stock Race.
Dumalo si Liz Villasenor, na siyang bagong Director ng Tourism & Cultural Affairs Office ng Lungsod ng Maynila, bilang kinatawan ni Mayor Joseph Estrada.
Ang 2014 Manila Bay Seasports Festival ay handog ng Manila Broadcasting Company at Lungsod ng Maynila, sa pakikipagtulungan ng Philippine Coast Guard, Cobra Energy Drink, Caltex, Eveready, Ginebra San Miguel, Pioneer Epo-xy, Filinvest, Silka, M. Lhuillier, Columbia International Foods, Manila Ocean Park at Briggs and Stratton.
- Latest
